Иртәгә, 17 март көнө дуҫым, шағир, хәҙер инде яҙыусы Мөнир Ҡунафинға теп-теүәл 41 йәш тула. 40 йәштән бик күптәр ҡурҡһа ла, Мөнир өсөн тап 40 йәшлек сағы бик унышлы булды тип әйтергә мөмкин. Яны ғына китабын алып ҡыуанды, үҙенен йортона күсенде. Тимәк, киләһе йылдары тағы ла унышлыраҡ булыуға ишара был. Уға, дежур һүҙҙәрҙән тыш, тағы ла ғаилә именлеге, һаулыҡ, ижади үҫеш теләйек!

Әле генә телефон аша әйткән хәбәрҙәр буйынса, яны тауыш биреү һөҙөмтәһе буйынса, яҙыусылар идараһынын яны рәйесе итеп шағир Риф Тойғон һайланған. Яны устав та ҡабул ителде, тик бына кворум булдымы икән? Был хаҡта "Йәшлек" гәзитенен киләһе һандарында ентекләп Мөнир Ҡунафин яҙыр әле. Һәр хәлдә, яҙыусыларыбыҙҙын тиҙ генә тынысланыуына ышаныуы ауыр. Яны рәйескә уныштар теләйек!

Яҙыусылар идараһынын яны рәйесен һайлауҙын тәүге этабы тамамланған. Тауыш биреү йәшерен булһа ла, һанау делегаттарҙын күҙ алдында булған. Шағир Риф Тойғон 97 тауыш йыйһа, драматург Рәлиф Кинйәбаевҡа 62 делегат ышаныс беледергән. Ә яны закон буйынса, арифметик иҫәпләүҙәр үткәрһәк, рәйес булыр өсөн 106 тауыш йыйырға кәрәк, (йәғни делегаттарҙын 2/3 өлөшө). Әле күпселек яҙыусы, шағир дуҫтарҙын ҡайтып китеүен иҫәпкә алғанда, икенсе турға тауыш бирерлек кеше лә ҡалмауы мөмкин. Ул сағында тағы яны съезд йыйырға тура киләсәк.

Әле генә Мөнир Ҡунафин телефондан шылтыратты. Яҙыусыларҙын идара рәйесенә ике кандидатура күрһәтелгән, береһе Рәлиф Кинйәбаев, икенсеһе Риф Тойғон. Әле тауыш биреү тамамланған, һанау процедураһы бара, ти. Драматург Наил Ғәйетбаев үҙ теләге менән кандидатураһын ҡуйыуҙан баш тартҡан. Сәбәбен берәү ҙә анлата алмай. Боҙоҡ телефон аша килеп еткән хәбәрҙәргә ҡарағанда, ҡурҡытҡандар, тип тә һөйләйҙәр. Һе, Наил ағайҙы ла ҡурҡытып буламы икән ни?
Ни булһа ла Башҡортостан яҙыусылары тарихында ин әшәке съезд тигән исем менән инәсәк сара дауам итә.
Унын һөҙөмтәһен көтөгөҙ, мотлаҡ хәбәр итербеҙ.

Бөгөн Башҡорт дәүләт филармонияһынын Бәләкәй(бәлки, Кесе?) залында Башҡортостан яҙыусыларынын сираттан тыш съезы асылды. Тәүге өлөшөндә ҡатнашыу бәхете беҙгә , йәғни яҙыусылар союзы ағзаһы булмағандарға ла тейҙе. Шунанмы? Шунан аптырап, тәүге тәнәфес булыу менән сығып тайҙыҡ. Ниһайәт, бөгөн Азамат Юлдашбаевтын ни өсөн артабан Яҙыусылар союзы идараһы рәйесе булырға теләмәүенен сәбәбен анлағандай булдым. Сәғәт ярым эсендә генә лә исемдәре билдәле шәхестәребеҙҙен бер-береһенен өҫтөнә бысраҡ ырғытырға тырышыуы ерәнгес тойғолар уятты. Әйтерһен, улар шунын өсөн генә йыйылған.
Идара рәйесе урынына бер нисә кандидат бар, тинеләр. Бөгөнгө "Йәшлек" гәзитендә уларҙын фекерҙәре лә бирелде. Рәлиф Кинйәбаев әлегә фекерен әйтмәйерәк торҙо. тик йыйылыусылар араһында төп дәғүәсе Наил Ғәйетбаевтын булмауы ғына бер аҙ аптыратты. Ағай бик ышаныслы йөрөй ине бит. Бер аҙҙан кемден рәйес итеп һайланыуы хаҡында хәбәр итергә тырышырбыҙ, тип уйлайым.
Әйткәндәй, бөгөнгө көн көләмәсе:
Мөнир Ҡунафин менән Азамат Юлдашбаев һөйләшә. "Көндөн тәүге яртыһында съезға барам да, төштән һун "Шаяниум"ға китергә кәрәк,"- ти Азамат.
"Көндөн тәүге яртыһы ла шул "Шаяниум" инде," - тип ҡуя Мөнир. Ярай, теге "Шаяниум"дын аҙағы билдәле, ә бына көндөн тәүге яртыһында булғаныныҡы?